RSS
Redacción . O deputado do BNG no Parlamento Galego, Bieito Lobeira, denuncia que o Goberno do PP se opoña a impulsar unha modificación legal que evite a existencia en Galiza de espectáculos que, como as touradas, 'se fundamentan no maltrato e tortura, até a morte, de seres vivos'.
20.11.2009 | 14:34
Manifestación antitouradas en Pontevedra.
O deputado do BNG dirixíase esta mañá no Parlamento Galego á Dirección Xeral de Emerxencias e Interior da Consellaría de Presidencia para que informase sobre as medidas que a Xunta de Galiza ten previsto adoptar ao respecto.
Lobeira subliñou na súa intervención que “o pobo galego non gosta das touradas, malia o histórico intento de introducilas na nosa sociedade, fundamentalmente por cuestións de carácter ideolóxico-político, vinculadas ás continuas tentativas de españolización cultural e lingüística da nosa nación”
Na súa resposta, o representante da Xunta informou de que o Goberno do PP “non contempla modificación legal ningunha porque non temos constancia dunha percepción cidadá contraria a estes espectáculos e porque é un debate que vén de longo e no que é difícil lograr consenso”.
“Pouco lles importa o consenso”
O deputado do BNG denunciou “a curiosa vara de medir do Goberno do PP: como non hai consenso non van modificar a lei; pero no ámbito da lingua tanto ten, a polo galego aínda que haxa 100.000 persoas na rúa”.
Ademais, disentiu coa opinión do representante da Xunta de que nos espectáculos taurinos en Galiza non se comete ningún incumprimento da normativa de benestar animal, “as novas que temos indican que de legalidade nada, en moitos casos non se cumpre a lei no que ten a ver co benestar animal”, retrucoulle.
“O culto ao sangue, á brutalidade, á tortura animal, inherente ás corridas de touros, non goza nin gozou historicamente de apoio social en Galiza”, salienta o deputado do BNG.
O deputado do BNG puxo como exemplo o apoio financeiro dado por varios concellos galegos e polo Goberno español, “así como, normalmente, o apoio público de cargos institucionais do Partido Popular, que en ocasións asisten aos mesmos ataviados do xeito máis españolizado/andaluzado posíbel”.
Por último, Bieito Lobeira lembrou que “só no período 2000-2006, RTVE gastou case 30 millóns de euros á exaltación e retransmisión de touradas e programas taurinos”.
1/1
Últimas
+ lidas
+ votadas
+ comentadas
1/4
8
Novas relacionadas
En portada...
-
A Plataforma a prol dos servizos sociais públicos pide o cumprimento da leiA Plataforma en defensa do sistema público galego de... -
Vigo coordina un plan da ONU de nanosatélitesFernando Aguado, coordinador do primeiro picosatélite...
-
'Etiquetar en galego asóciase con calidade'Ben Boa é unha firma de comida preparada de Vigo que... -
O sector servizos factura en xaneiro un 5% menosO sector servizos acelerou a caída da súa cifra de... -
Quintás dimite como presidente da CECAO galego Xoán Ramón Quintás presentou este mércores a... -
Galiza non Se Vende súmase á defensa do idiomaPrimeira manifestación en Santiago deste colectivo dende...
-
O Congreso vota a retirada do recurso á Lei de CaixasO Congreso dos Deputados debaterá e votará na sesión... -
Anxo Lorenzo: 'O decreto insírese na Lei de Normalización'O secretario xeral de Política Lingüística, Anxo...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
