PUBLICIDADE
Mércores, 10 de marzo de 2010
Portada  |  GALIZA   RSS
Operación contra presuntos GRAPO
Josefa Seoane 'Pepita': “Todo é porque están aí as eleccións”

Redacción .  Josefa Seoane, nai dun dos detidos o mércores nunha operación contra presuntos membros do GRAPO, non descarta tomar medidas polas acusacións de ser “ideóloga” da formación.

Reloxo 25.01.2008 | 13:48
TAGS: GRAPO , Audiencia Nacional ,

Momento da detención de Carlos Cela Momento da detención de Carlos Cela. AGN

En espera de que se vaian desenvolvendo as declaracións dos detidos (o primeiro foi o avogado Juan Manuel Olarieta), as familias dos dous antigos GRAPO galegos arrestados o mércores en Vigo e na Coruña están á espera en Madrid. Confían en poder falar con eles ao rematar a toma de declaracións na Audiencia Nacional, finalizado o período de incomunicación.

A nai de Carlos Cela, Josefa Seoane (“Pepita”), ten claros os motivos polos que se activou a operación: “É porque están aí as eleccións e queren recabar votos”, afirma, moi dura coa persecución das forzas de seguridade. “Tiñamos algunha arma ou explosivos? Claro que non. Non somos terroristas, pero veñen a por nós mentres están en liberdade os verdadeiros delincuentes”, sostén.

Rexeita que ela ou o seu fillo pertenzan ao GRAPO, como si o están outros dous fillos -Jesús e José Francisco- que cumpren cadea por este motivo. “Estou moi orgullosa deles, que quede claro”, defende, e non descarta adoptar algún tipo de medidas polas acusacións verquidas contra ela de ser a presunta ideóloga dos GRAPO. “É de risa”, comenta.

Levaron poemas do seu fillo maior

A persecución das forzas estatais polas súas actividades comunistas e antifascistas non os pilla de novas, tras ser obxecto de rexistros, entre outros lugares, no bar “Faluya” da cidade coruñesa. No rexistro do pasado mércores na súa vivenda, denuncia que chegaron a levar poesías escritas polo seu fillo maior.

A Quintana: “Como cambiamos co poder!”
Josefa Seoane amosouse especialmente crítica coas posicións adoptadas por algúns sectores políticos. En concreto, sobre a manifestación de “alegría” pola operación realizada polo líder do BNG, Anxo Quintana. “Como cambiamos cando chegamos ao poder! Agora só lles interesa perpetuarse aí, recabando voto entre os vellos”, reprocha, nunhas recriminacións que quere trasladarlle persoalmente.
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou