PUBLICIDADE
Venres, 19 de marzo de 2010
Portada  |  SOCIEDADE   RSS  |  Xeral   RSS
A CTNL considérao un 'grave retroceso'
Os orzamentos para Política Lingüística baixan un 20 por cento

Redacción .  Os orzamentos que a Xunta lle dedicará á Política Lingüística no 2010 sofren un drástico recorte de máis do 20 por cento tanto con respecto ao 2009 como con respecto aos últimos orzamentos do goberno presidido por Fraga no 2005. A Coordinadora de Traballadores de Normalización da Lingua (CTNL) considérao un 'moi grave paso atrás que acrecenta a regresión na política lingüística do goberno galego'.

Reloxo 23.10.2009 | 16:49
TAGS: CTNL , Política Lingüística , reducción , ,

Saída do Correlingua en Compostela Saída do Correlingua en Compostela. AGN

A CTNL, entidade que agrupa a gran maioría de traballadores/as de normalización da lingua, considera que é nas contas públicas onde mellor se reflicten as prioridades políticas de quen as elabora, polo que este proxecto de orzamentos demostra, unha vez máis, que o goberno da Xunta só está disposto a dar pasos atrás no proceso de normalización da lingua galega, incumprindo así os acordos aos que se chegou por unanimidade no Parlamento galego (Lei de normalización lingüística e Plan xeral de normalización da lingua galega), nos que se especifica que a normalización lingüística ten que ser un proceso progresivo e, en ningún caso, regresivo.
 
Segunda denuncia a CTNL nun comunicado, redúcense os recursos para campañas de normalización da lingua nun 36%, pasando de 5.236.835  a 3.337.000 euros, case dous millóns, do mesmo xeito que diminúen drasticamente partidas tan importante como as dedicadas a empresas editoriais para proxectos en lingua galega en máis do 50 por cento a asociacións sen fin de lucro, que baixan un 25 por cento, ou aos Equipos de Normalización e Dinamización Lingüística dos centros de ensino públicos, que se reducen no 20 por cento. 

"Grave retroceso"
 
A Coordinadora considera que estas contas son "un moi grave retroceso" para a planificación lingüística de Galiza, o que leva a estar incluso moi por baixo dos recursos que se lle dedicaban a esta materia no 2005. En termos relativos, mentres no 2005 o goberno de Fraga lle dedicou á política lingüística o 0,23% do orzamento total da Xunta, no 2010 o goberno de Núñez Feixóo dedícalle só o 0,14%.

En termos absolutos, o goberno presidido por Núñez Feixóo dedicaralle á lingua no 2010 catro millóns de euros menos dos que lle dedicou o goberno presidido por Manuel Fraga no 2005, hai cinco anos. 

Por todos estes motivos, a Coordinadora de Traballadores/as de Normalización da Lingua (CTNL) pide unha rectificación por parte do goberno para que este proxecto de orzamentos sexa modificado no seu trámite parlamentario. 

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou