PUBLICIDADE
Domingo, 21 de marzo de 2010
Portada  |  SOCIEDADE   RSS  |  BLOG XURXO ESTEVEZ   RSS
BLOG XURXO ESTEVEZ
Xurxo
Estevez
Canta Correa, canta
 22.10.2009 | 16:10

Imaxe referida a Camps que circula pola rede nas páxinas do País Valenciá Imaxe referida a Camps que circula pola rede nas páxinas do País Valenciá

Xa o dixo Fraga: isto é só o inicio.

E se Correa canta?

Ímolo animar, cantar sempre é bo, mire por onde se mire. Así que temos preparado un breve repertorio de cancións para estimular o cante ao subxefe da trama de corrupción e de financiamento ilegal do PP e dos seus dirixentes.

Comecemos pois con un simpático tema, “Yo canto”, na voz inconfundíbel de Julio Iglesias, poeta popular que, interpretando como ninguén as ideas e desexos que hanlle estar pasando pola cabeza ao noso homenaxeado, lle di a Correa:  

“Cantando estou
E ti sen saber...
…
A veces síntome moi só e quixera chorar,
E logo comprendo que fun eu que quixen cantar”

Escoitémolo aquí.

Tamén Laura Pausini ponse no pelexo do noso home, afirmando que “por iso, e polo que virá, Eu canto tranquilamente...”, nunha canción tamén titulada “Yo canto”, e non sei como non teñen problemas coa SGAE e co rexistro. Esta é a cantiga:

Outros que tamén colaboran con Correa para pasar o mal trago son os Violadores Del Verso, e abofé que o conseguen, violar. Despois de asumir o papel do popular, nos versos:

“É que cantando eu póñome moi ben.
A vida vai moito mellor,
Con tal de chegar a fin de mes...”

aconsellan:

“Chora... dime que collóns se valora...
Ven, imos facer un pacto”.

Platero y Tu, en “Al Cantar”, insisten en que “Ao cantar acostumo esquecer todos os malos momentos”.

Até do exterior chegaron reforzos, apoios solidarios, e o chinés Luo Zhi Xiang pregúntase “Como cantala se primeiro chorase” nun meloso tema denominado “Wo Bui Hui Chang Ge (Ita Sub)” que certamente será do gusto do Sr. Correa:

Por si algún máis se anima -sempre desde as trevas, como o que tira a pedra e esconde a man- a colaborar co xuíz Garzón e con Correa no cante, o brasileiro Thiago de Mello afirma en "Faz escuro mas eu canto":

“Faz escuro mas eu canto,
porque amanhã vai chegar.
Vem ter comigo companheiro, vai ser lindo...”

Mas vexo difícil que alguén máis o acompañe nos cantes futuros, dos que teremos boa noticia na prensa polanca, porque Rajoy e Camps xa dixeron que “Nem às paredes confesso”. Amalia Rodríguez xa se lles adiantara nun dos máis belos fados que existir puideron.

E se ao final cantan todos, nun autentico festival, a ver quen gaña e libra? Se o cante arranca con ritmo contaxioso, faise unha roda, comeza a pasar o asunto de un lado a outro, namentres o eleitorado alucina, sen entender que é o que pasa. Unicamente que sexa certo o palpite de Planet Hemp, que no seu tema “Queimando Tudo” afirma deles que “Eu canto assim porque fumo maconha”.


 
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou