RSS
M. Obelleiro . Nel Vidal (Ribeira, 1980), presidente da Coordinadora de Traballadores/as da Normalización da Lingua (CTNL) e técnico de Normalización Lingüística do Concello de Carballo, forma parte da comisión xestora de 'Queremos Galego'. O tamén membro de 'ProLingua' advirte de que é a sociedade quen debe protagonizar o proceso de normalización do idioma. Nesta liña, anima os galegos e galegas a asistir á manifestación en defensa da lingua que se celebra o 18 de outubro.
08.10.2009 | 07:14
Por que decide adherirse ás plataformas en defensa da lingua? Por un compromiso social ante os evidentes retrocesos anunciados ou xa efectivizados polo Goberno do PP en materia lingüística como a modificación da Lei da Función Pública ou a derrogación do decreto que regula o uso do galego no ensino. Tamén hai outros asuntos de menor repercusión, pero de gran calado social, como a desaparición da música do país da Radio Galega, a supresión do Culturgal ou a eliminación das axudas ás traducións en galego. E por que xorden arestora? Nacen cando o PP comeza a facer efectivas as medidas de desmantelamento da lingua que anunciara na campaña electoral. Nun primeiro momento parecían accións electoralistas, pero o PP converteu eses anuncios en feitos ante a presión de grupos como Galicia Bilingüe. Como ve a situación social do galego? Adoito ser optimista porque o galego segue a ser a lingua maioritaria do país –sobre todo nas vilas medias e no rural–, pero a situación non é a mellor das posíbeis. O galego require de moitas medidas de apoio, protección e promoción para evitar a perda de falantes. A normalización é un proceso social de cambio que ten que ser asumido pola sociedade. A cidadanía debe protagonizar o cambio, pero as institucións teñen a obriga e a responsabilidade de apoiar o proceso.
Nel Vidal, presidente da Coordinadora de Traballadores/as de Normalización Lingüística.
Como percibe a política lingüística que está a desenvolver o PPdeG na Xunta?
Véxoa moi perigosa. O máis prexudicial xa non son as medidas en si mesmas que tomaron desde a Xunta, senón a concienciación ou prexuízos que están a introducir na sociedade –como a falsa imposición da lingua– ou mitos que son inexistentes –que o galego non serve para todos os contextos, que está ideoloxizado... En segundo lugar, a Xunta está a tocar a liña máis baixa, os acordos que se adoptaron na propia transición. Cómpre lembrar que tanto a Lei de Normalización Lingüística como o Estatuto xurdiron por un consenso social tras unha guerra civil e unha ditadura.
Que é necesario facer para cambiar esta situación?
A sociedade ten que dicir até onde quere chegar no tema lingüístico. Como sociedade temos que actuar tanto utilizando o galego en todos os contextos como reclamando o dereito a poder empregar a lingua. Hai que esixirlles aos poderes públicos e á Administración o dereito a empregar o galego en ámbitos públicos e privados –nas clínicas, nos comercios, nos medios de comunicación... Para isto, o primeiro é coñecer o noso idioma –no ensino cómpre garantir o seu coñecemento en todo o alumnado.
A lingua é unha cuestión partidaria?
A cuestión lingüística é moi política. O que vexo partidaria non é a defensa do galego, senón a utilización da lingua por parte do PP ao longo da campaña e na actualidade. Desde o PP úsase o galego como elemento de conflito social cun beneficio claramente partidario. As plataformas en defensa da lingua intentan todo o contrario, demostrar que a lingua é de todos e que non pode ser utilizada.
1/1
Últimas
+ lidas
+ votadas
+ comentadas
1/4
7
Novas relacionadas
- Agustín Baamonde: 'Os militantes do PP poden ir á manifestación da lingua'
- Mercedes Queixas: 'Cómpre renovar o compromiso social coa lingua'
- Xurxo Souto: 'Os mozos han de protagonizar a defensa do galego'
- Xabier P. Docampo: 'ProLingua nace como resposta á política lingüística do PP'
- Fran Rei: 'Cómpre defender a lingua por riba de militancias'
- Rafael Cuíña: ‘Estarei na manifestación a prol do galego’
- Francisco Cerviño: ‘Feixóo tenta agradar a ultradereita coa lingua’
- Iria Aboi: 'O PP tenta cortar de raíz o futuro do galego'
- Anxo Louzao: 'O Goberno quere que o galego sexa cada día menos útil'
- Feixóo recúa e os pais non decidirán a lingua
- O BNG asume a ILP de Queremos Galego
- PP e PSOE rexeitaron tramitar a ILP de Queremos Galego
En portada...
-
O BNG pídelle a Feixóo que rache a negociación sobre a Lei de CaixasO portavoz nacional do BNG, Guillerme Vázquez, insta ao... -
O PSdeG acusa a Mato de 'falsear datos' sobre o pago a dependentesA portavoz de Políticas Sociais do Grupo Parlamentario... -
Zarrías: 'Lamento que a Feixóo lle molestase a carta en galego'O secretario de Estado de Cooperación Territorial,... -
Próximos a Touriño ven 'descapitalización' no PSdeGAínda que o sentimento de 'recoñecemento e gratitude'... -
A Xunta confirma que o AVE Galiza-Portugal pode atrasarse até o 2016O conselleiro de Medio Ambiente, Territorio e... -
A UDC traballa no deseño dun coche de baixo custo para SEATUn equipo de 14 investigadores da Escola Universitaria de... -
Feixóo promete axudas aos medios máis obxectivasCinco consellarías violan a Lei de Transparencia ao non... -
Os sindicatos mobilízanse contra os despedimentos no PastorAs centrais sindicais con representación no Banco Pastor...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
