PUBLICIDADE
Mércores, 17 de marzo de 2010
Portada  |  GALIZA   RSS
Subtítulos PARA NENOS DE 2 ANOS
A TVG fai que os Telettubies non falen galego

Manuel Vilas .  'Espello no que se poida mirar unha Galiza moderna e universal'. Así describe a Televisión de Galicia o cambio de rumbo do que nace a súa decisión de deixar de emitir os Telettubies en galego.

Reloxo 25.09.2009 | 09:33
TAGS: tvg , crtvg , lingua , telettubies ,

Nova sintonía dos Teletubbies na TVG, en inglés subtitulado. youtube:cernekernel

Dende o día 14 de setembro o programa infantil está en inglés. Iso si, os subtítulos están en galego. Algo que resulta sorprendente, pois os Telettubies están dirixidos a rapaces en etapa preescolar a partir dos 18 meses, segundo sinala a web da serie da BBC. É dicir, a TVG coloca subtítulos nun programa dirixido para cativos de dous ou tres anos, que non saben ler.

Máis programas infantís en inglés

ANT cuestionou á CRTVG polos motivos do cambio e polos posíbeis criterios psicopedagóxicos tidos en conta. Porén, o ente público remitiuse a unha nota de prensa na que presenta a nova campaña da TVG 2, a segunda canle da Televisión de Galicia que se pode ver pola TDT.

Nela a Compañía argumenta que na nova temporada aposta pola “inclusión de espazos para nenos nos que teña acollida a terceira lingua na súa formación”. A CRTVG presume que “isto significa que algúns destes programas se exhibirán en versión orixinal subtitulada en galego, como é desde o día 14 a cita diaria dos coñecidos Teletubbies”.

Esta actuación enmárcase nun cambio de rumbo da TVG 2. “O soporte pretende ser o espello no que se poida mirar unha Galiza moderna e universal”, di o Ente. Novos tempos que afectan os Telettubies e que tamén significarán emisións en versión orixinal noutras series para cativos, como Dawson Creek.

Búscase presentador de sona para novo magazine cultural

Ademais de programación infantil, o outro eixo da nova tempada da TVG 2 será a programación cultural, cun novo magazine que busca “recoller todas as manifestacións culturais e artísticas, desde a arte clásica ata a vangarda e os novos creadores”.

Estase a negociar a incorporación dun condutor de “recoñecido prestixio para este programa”. Porén, o ente asegura que “unha vez máis a limitación financeira impediu até o de agora pechar unha incorporación en firme”.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/6 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou