PUBLICIDADE
Sábado, 20 de marzo de 2010
Portada  |  CULTURA   RSS
Na data do seu quinto cabodano
A Terra Chá lembra a Manuel María

Lara Rozados .  A asociación Xermolos e a Fundación Manuel María organizan, o vindeiro 8 de setembro en Outeiro de Rei, 'Memoria da chaira enteira', no quinto cabodano de Manuel María.

Reloxo 06.09.2009 | 10:02
TAGS: Manuel Maria , terra cha , estudos chairegos ,

O poeta Manuel Maria O poeta Manuel Maria. Paco Vilabarros

Logo do xantar, ás 15h00 , haberá un recital nas Penas das Rodas, e ás 18h, unha ofrenda floral no camposanto de Santa Sabela, a carón do Miño. Amais do rito da navalla, que este ano se lle entregará ao xornalista vilalbés Xulio Xiz, terá lugar un recital poético-musical, coa interpretación da obra de Manuel María por Miro Casabella, Mini e Mero e Tino Baz. A entrega da navalla é un rito derivado da afección do poeta chairego por estas ferramentas (sempre levaba unha no peto). Esta sorte de “comuñón laica” na súa memoria consiste en que, despois de cortarse o pan e o queixo coa navalla, as persoas asistentes beben un vaso de viño, e, a seguir, entrégaselle o coitelo a unha ou varias persoas en recoñecemento ao seu labor a prol da lembranza de Manuel María.
 
Amais, este ano o Instituto de Estudos Chairegos, tamén partícipe na homenaxe, edita unha escolma de artigos de Manuel María. “Son artigos publicados n’A Nosa Terra, de temática chairega, que sacamos nunha edición facsimilar”, explica Manuel Castro Santamariña, presidente do Instituto. O IESCHA celebrará no quinto cabodano do poeta o Día da Cultura Chairega, coa presentación do volume e unha actuación da banda municipal de Vilalba, no Auditorio desta localidade. “Estarán presentes Saleta Goi, viúva de Manuel María, e Manolo Roca, que levou boa parte do traballo de compilación”. “Alguén dicía que Manuel María foi o inventor da Terra Cha”, explica Castro, “e polo menos o inventor literario si que foi. Pero non só eloxiando a terra, a natureza e a paisaxe, tamén polo seu compromiso. É un referente a nivel literario e persoal”.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou