Redacción . O diálogo entre imaxe e narrativa nunha peza artística é o eixo temático desta exposición que permanecerá no Centro Galego de Arte Contemporánea até finais de setembro no espazo situado baixo a libraría.
Memoria suxerida achega unha breve escolma formada por oito obras dos fondos da colección do CGAC e artellada polo Servizo de Actividades e Proxectos Educativos do propio museo, e tamén unha selección de libros de artista editados polo CGAC, dende cadernos de viaxe até poemarios ou antoloxías de escritos. Esta escolla revisa a importancia do libro no percorrido artístico contemporáneo, tanto dende o punto de vista literario como estético. Topamos así o "mural" de libros de Alicia Martín, que invita ao público a mergullarse nesta relación entre arte contemporánea e libro na que, de súpeto, xorden os anxos de Peter Wüttrich, as asociacións imposibles de Chema Madoz, o xogo de escalas de Tono Carbajo, os libros de artista de Dora García e Jonathan Hernández, os debuxos melancólicos de Marcel Van Eeden e as suxestións misteriosas de Pedro Cabrita Reis.
Unha das pezas de 'Memoria suxerida'
Descargar Tarifas