RSS
Redacción . O Goberno central acordou pechar a central nuclear de Garoña en 2013, dous anos despois de que culmine a vida útil da central de 500 megavatios. Ademais, anunciou a creación dun plan industrial para recolocar os traballadores da planta.
02.07.2009 | 20:08
"A decisión do Goberno é permitirlle á central nuclear seguir operando até o 2013, ano no que terá lugar o cesamento de actividade da planta", anunciou o ministro de Industria, Miguel Sebastián, nunha rolda de prensa na que tamén estaba presente o titular de Traballo, Celestino Corbacho. A decisión do Executivo supón ampliar catro anos o permiso de operación da central nuclear burgalesa, que vencía este domingo, e que segundo o Executivo central produce máis residuos que o resto das centrais nucleares españolas. Miguel Sebastián pensa que o peche é unha decisión politicamente coherente e non pon en perigo a subministración enerxética estatal. A decisión non agrada nin a traballadores nin a operadores da planta -Iberdrola e Endesa-, que pedían unha renovación de 10 anos. Tampouco satisface aos ecoloxistas, que esixen o peche inmediato. A organización Greenpeace, que bloqueou a central en novembro ao considerar que non era segura, anunciou que recorrerá nos tribunais a decisión de "manter en funcionamento catro anos máis a vella, deteriorada e perigosa central nuclear de Garoña". "Zapatero incumpriu de forma clara o seu compromiso electoral, programático e de investidura de abandonar a enerxía nuclear, e deu un gran paso atrás na consecución dun modelo enerxético sostíbel, baseado ao 100 por cento nas enerxías renovábeis e na eficiencia enerxética", asegurou Greenpeace nun comunicado. Garoña era a primeira das sete centrais nucleares que debe renovar a súa licenza nos próximos dous anos e Zapatero prometera substituílas gradualmente, unha vez alcancen os 40 anos, por fontes de enerxía renovábel. 
Miguel Sebastián, ministro de Industria, Turismo e Comercio.
O ministro de Traballo anunciou tamén a creación dun plan industrial para substituír a actividade económica que Garoña xera na zona e ocupar os traballadores da central.
1/1
Últimas
+ lidas
+ votadas
+ comentadas
1/4
6
Novas relacionadas
En portada...
-
Feixóo pide unha reunión con Zapatero para desbloquear a Lei de CaixasO presidente da Xunta, Alberte Núñez Feixóo,... -
A Plataforma a prol dos servizos sociais públicos pide o cumprimento da leiA Plataforma en defensa do sistema público galego de... -
Os supostos contratados a dedo por Baltar, na RedeA ofensiva do PSOE contra as colocacións irregulares na... -
O Goberno oculta os motivos do cese na APLUO director foi cesado pouco despois de que saltase a... -
O BNG acusa a Xunta de privatizar os centros de díaO portavoz nacional, Guillerme Vázquez, o secretario de... -
Galiza non Se Vende súmase á defensa do idiomaPrimeira manifestación en Santiago deste colectivo dende...
-
Diferenzas entre PSOE e PP pola Rede NaturaO PPdeG e o PSdeG volveron disentir ao redor do grao de... -
Os deputados piden cambios no debate de política xeral‘Se tivésemos máis tempo, poderiamos chegar a máis...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
