PUBLICIDADE
Mércores, 17 de marzo de 2010
Portada  |  GALIZA   RSS
Moción de censura en Gondomar
‘Ti Silva que eu Fajo’

H. Vixande .  As relacións urbanísticas entre o anterior alcalde Carlos Silva e o construtor Xosé Fajo explican a engrenaxe da moción de censura en Gondomar.

Reloxo 02.07.2009 | 17:50
TAGS: moción , gondomar , xosé fajo , carlos silva ,

casa sen licenza de Martín Vicente Urgal, en Borreiros casa sen licenza de Martín Vicente Urgal, en Borreiros. Paco Vilabarros

En anteriores mandados da corporación municipal de Gondomar, a cuestión urbanística sempre estivo presente e foi relacionada coas agresións a representantes do BNG por parte de persoas ou grupos con intereses económicos locais. A deterioración do principio de legalidade e a imbricación entre política e obras privadas alcanzara tal grao que entre os veciños tomou corpo a frase irónica: “Ti Silva que eu Fajo”. Aludía ao anterior alcalde, Carlos Silva (PP) e o construtor Xosé Fajo.

O Partido Popular de momento non desautorizou a moción de censura. Aínda que o faga, podería reproducirse a situación que se dá no veciño concello de Mos. Nesta localidade, a popular Nidia Arévalo arrebatoulle a alcaldía á socialista María Xesús Escudero despois de que o edil do PSOE Xerardo Alonso se pasase ao grupo misto e decidise apoiar un cambio na presidencia da corporación. O golpe de man rexeitouno o PP galego e Arévalo e o seu grupo, motu proprio, abandonou oficialmente o partido, pero segue empregando as súas siglas tanto no concello como nos actos públicos sen recibir críticas por parte dos seus ex correlixionarios. Agárdase que nas próximas eleccións municipais de 2011 retorne ao PP e encabece a súa lista electoral.

Unha alcaldía por unha licenza de obras
O PP e tránsfugas socialistas asinan unha moción en Gondomar contra o alcalde.

Se todo acontece como está previsto, a partir do sete de xullo Martín Vicente Urgal (PP) será o novo alcalde de Gondomar tras unha moción censura asinada por tránsfugas. Entón poderá legalizar a casa rural que edifica xunto á igrexa de Borreiros. Non será o único beneficiado do desaloxo do nacionalista Antonio Araúxo da alcaldía. O actual rexedor denunciou intereses urbanísticos detrás da súa expulsión do Concello.

Urgal conseguiu o apoio dos membros do seu grupo (PP) agás o do anterior alcalde Carlos Silva, o do representante dos independentes agrupados en Move-Mos e o dos catro edís que concorreron na candidatura socialista. En total, doce concelleiros –incluído Silva– votarán a prol da moción de censura, os cinco nacionalistas pronunciaranse en contra. Descoñécense as razóns para os socialistas apoiar o cambio, mais o seu partido desautorizounos baixo ameaza de expulsión e o aínda alcalde Antonio Araúxo preguntouse por que os edís do PSOE aceptan unha proposta que implica obter unha posición máis desfavorábel que a que ocuparían de continuar os nacionalistas a rexer o concello.

Ademais de legalizar a obra de Urgal –que se enfronta a unha orde de derrubamento– un dos primeiros pasos do novo equipo de Goberno erixido tras a moción de censura será o rescate do polémico plan de urbanismo de 2006, rexeitado no seu día pola Xunta. A medida implicará renunciar á tramitación do novo PXOUM, que conta cunha subvención de 305.000 euros. Repecto a Silva, inhabilitado por corrupción urbanística, Araúxo asegurou que “seguirá dirixindo o concello, coa cooperación necesaria de Rafael Louzán”, presidente da Deputación de Pontevedra (PP).

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou