PUBLICIDADE
Venres, 19 de marzo de 2010
Portada  |  DEPORTES   RSS
Despois de afrontar o Giro e os Campionatos de España
O Xacobeo prepara a segunda parte da tempada

Redacción .  Os ciclistas do Xacobeo Galicia preparan a segunda parte da tempada ciclista despois dos Campionatos de España de fondo en estrada, na que Carlos Herrero, que ocupou a décimo novena praza, foi o corredor do equipo galego que quedou mellor clasificado.

Reloxo 02.07.2009 | 11:06
TAGS: Xacobeo Galicia , ciclismo , ,

Ciclistas do Xacobeo no Campionato de España Ciclistas do Xacobeo no Campionato de España

O cadro de ciclistas do Xacobeo comeza a traballar e faino coas miradas postas na Volta Ciclista a España. Na competición agardan contar cos seus mellores efectivos, especialmente Ezequiel Mosquera que o ano pasado acadara un magnífico cuarto posto. Pero non só é a gran proba ciclista do Estado o que preocupa os corredores do Xacobeo. Outros estanse a esforzar por acadar un posto no equipo.

Pero para a Volta aínda falta algún tempo. Os ciclistas do conxunto galego teñen antes outra cita coa que se comezará este ciclo, concretamente a Volta a Madrid, unha proba que terán que correr entre os días 17 e 19 de xullo. Esta segunda etapa da presente tempada rematará en terras mexicanas coa Volta a Chihuahua, entre o 4 e o 10 de outubro.

O parte médico do Xacobeo non presenta grandes complicacións. Ibán Mayoz prosegue coa súa recuperación despois da espectacular caída sufrida no Giro de Italia. Tamén Carlos Castaño estase a recuperar das molestias que sofre nun pé, que lle impediron estar nos campionatos de España. Mentres, Delio Fernández e Serafín Martínez están baixo observación médica despois de sufrir un accidente de tráfico que non tivo maiores consecuencias, agás algún pequeno golpe.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou