Cola nunha oficina do Servizo Público de Emprego en Madrid. Sergio Pérez/Reuters

En termos interanuais, con todo, hai en Galiza 47.532 parados máis que no mesmo mes do ano pasado, o que supón un incremento do 31,13 por cento. Así, Galiza mantívose como a segunda comunidade na que menos avanzou o desemprego nos últimos doce meses, pois a porcentaxe só foi menor, en termos relativos, en Estremadura, onde aumentou un 27,04 por cento.

No conxunto do Estado, o número de parados inscritos nas oficinas do Inem baixou en 55.250 persoas en xuño respecto de maio (-1,5 por cento), rexistrando o seu segundo descenso mensual consecutivo tras estar 14 meses á alza. O total de desempregados situouse así en 3.564.889 persoas.

A caída do desemprego neste mes contrasta co comportamento que experimentou o paro en xuño de 2008, cando o desemprego subiu en 36.849 persoas. Xa o pasado mes de maio, o paro empezou a botar o freo e rexistrou un descenso próximo aos 25.000 desempregados.

Datos estatais

En xuño, o desempregado baixou en 55.250 persoas respecto ao anterior mes, o que se traduce nun descenso do 1,5 por cento. O paro rexistra así o seu segundo descenso mensual consecutivo tras estar 14 meses á alza. A caída do desemprego neste mes contrasta co comportamento que experimentou o paro en xuño de 2008, cando o desemprego subiu en 36.849 persoas. O total de desempregados sitúase hoxe en día en 3.564.889 persoas, segundo informou o Ministerio de Traballo e Inmigración.

Xa o pasado mes de maio, o paro empezou a botar o freo e rexistrou un descenso próximo aos 25.000 desempregados.

O ministro de Traballo e Inmigración, Celestino Corbacho, xa apuntara que o paro de xuño non ía ser negativo.