PUBLICIDADE
Sábado, 20 de marzo de 2010
Portada  |  GALIZA   RSS
Centenares de persosas despideno en Ribeira
Enterrado o mecánico do 'Cordero'

E. P .  Centenares de familiares, veciños e amigos renderon hoxe o seu último adeus ao mariñeiro falecido no naufraxio do 'Cordero', Francisco Alboreda Rey, que era primeiro mecánico do arrastreiro e foi enterrado esta tarde na igrexa de San Pedro de Muro, o lugar do municipio coruñés de Porto do Son onde residía coa súa muller e as súas dúas fillas.

Reloxo 16.01.2008 | 20:19
TAGS: naufraixo , Cordeiro , ,

   Numerosas persoas amontoáronse fronte á casa do que era primeiro mecánico do buque afundido dende unha hora antes do inicio do sepelio, e acompañaron andando ao coche fúnebre que trasladou o corpo os case dous quilómetros que separan o lugar da igrexa, que quedou pequena para a cantidade de xente que acudiu á cerimonia.

   Tamén nos laterais das pistas e estradas próximas se acumulou o grande número de vehículos nos que chegaron os asistentes ao funeral, entre os que estiveron a conselleira de Pesca, Carmen Gallego; o director xeral de Recursos Mariños, Antonio García Elorriaga; o secretario de Estado de Transportes, Fernando Palau; e o delegado do Goberno en Galicia, Manuel Ameijeiras; así como numerosos xornalistas.

   Tampouco quixeron deixar de arroupar á familia o alcalde de Ribeira, José Luis Torres Colomer, e boa parte dos concelleiros da localidade coruñesa; ademais de representantes dos tres grupos parlamentarios na Cámara galega: Manuel Ruiz (PPdeG), José Manuel Lage (PSdeG) e Ana Belén Pontón (BNG).

   Unha vez finalizada a misa funeral, que se prolongou durante case unha hora, o corpo de Francisco Alboreda, de 43 anos de idade, foi trasladado ao cemiterio adxacente e enterrado no panteón familiar, xunto ao seu irmán, falecido tamén no mar hai case unha década.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou