PUBLICIDADE
Sábado, 20 de marzo de 2010
Portada  |  OPINIÓN  |  Antonio García Teixeiro
Antonio
García Teixeiro
Escritor
Outras noticias
Literatura na radio
 30.06.2009 | 17:45

Encántame a radio. A literatura semella viva nas ondas. Saúde ao Diario cultural que Ana Romaní leva dirixindo desde hai tanto tempo. É un clásico. Unha referencia indispensable. Lembro agora o meu amigo Xosé M. Freire, persoa inesquecible, coa que gocei facendo Os sons do silencio. Música e poesía fundíanse no aire e cada programa facíanos un chisco máis felices. Era a emotividade da palabra mesturada co tremor das cancións. Gústanme os programas literarios na radio que teñen vida de seu. Que necesarios son! Sorprendente foi para min descubrir A Casa do vagabundo na Radio Galega. Invitoume Rivadulla Corcón e quedei fascinado polo espírito do programa. Leva este home, que ademais escribe, (lean Os piratas da illa da Esperanza) tres anos e medio, semana tras semana, facendo da radio unha casa acolledora para a literatura porque, como el mesmo di, “a radio é palabra, só palabra a través do espazo”. Éche ben certo. Falamos sobre poesía, lin poemas do meu novo libro As palabras están a mirarse arredor da mesa, compartimos inquietudes e medos sobre o futuro da nosa lingua. É un pracer cambiar impresións cunha persoa tan comprometida coa súa contorna e coa cultura. Pedinlle unha reflexión e explicoume que o seu programa é un feito feliz. “Confirmei que os escritores galegos son, en xeral, xente moi xenerosa. Realmente, unha familia” afirmou co brillo nos ollos.Daquela, comecei a preguntarme se un programa destas características vai durar moito nos tempos que corren. Mentres soaba unha sonata para piano de Haydn, quixen crer que si. Precisábao  para gozar dun músico que aconsello vivamente.

 
Imprimir     Tamano Menos Tamano Mas
Vota
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou