RSS
Redacción . O secretario de Sanidade do PSdeG, Miguel Anxo Fernández, denunciou hoxe que a Xunta ordenoulles aos hospitais e centros de atención primaria, a través dun correo electrónico enviado dende os servizos centrais do Servizo Galego de Saúde, efectuar un recorte de 6 millóns no capítulo de material sanitario, contratación de empresas alleas –limpeza e seguridade entre outras– e comunicacións.
25.06.2009 | 14:32
Fernández entregou a empresa unha copia da comunicación na que indica que “de acordo co plan de austeridade aprobado polo Consello da Xunta do 4 de xuño, é preciso aminorar o crédito, entre outros, no presuposto do capítulo II dos centros do Servizo Galego de Saúde. O importe que se aminora en cada centro é proporcional ao presuposto inicial do capítulo II”. O socialista cualificou a iniciativa de “primeiro ataque” do Goberno galego ao sistema sanitario público, pois do capítulo II depende a compra de material sanitario e, no caso dos hospitais, tamén o gasto de farmacia, aínda que inicialmente comentou que afectará ás empresas alleas e comunicacións. Miguel Anxo Fernández cifrou en case 6 millóns dos 883 destinados a este capítulo no conxunto dos centros galegos e comentou que a redución é o “primeiro descenso” nos recursos para a sanidade pública dende 2003. O socialista calculou que esta redución vai dos 20.000 euros menos para os cetros pequenos aos 800.000 dos grandes complexos hospitalarios. O parlamentario cualificou de “moi grave” que o presidente da Xunta, Alberte Núñez Feixoó, “permita” esta decisión e que a esta medida. “Agardamos que este diñeiro no sexa o que fai utilizar a consellería para derivar aos pacientes a centros privados de dentro e fóra de Galiza cando aprobe o decreto de tempo máximo de espera que anunciou”, engadiu Fernández, que suxeriu que estes mesmos recortes se fagan nos concertos cos centros privados.
1/1
Últimas
+ lidas
+ votadas
+ comentadas
1/4
8
Novas relacionadas
En portada...
-
As axudas a libros de texto, condicionadas pola linguaA concesión de axudas ás familias para a adquisición... -
'A TVG censurou un informe sobre manipulación', di o PSdeGO PSdeG denuncia a actitude da Televisión de Galicia... -
A ETA mata un policía francés perto de ParísUn policía francés morreu a noite deste martes nunha... -
Compra en galego e en liña no e-EroskiA cadea de supermercados de orixe vasca, Eroski, comeza a... -
'O decreto insírese na Lei de Normalización'O secretario xeral de Política Lingüística, Anxo... -
O Supremo confirma as condenas polo Yak-42O Tribunal Supremo confirmou hoxe a condena de tres anos... -
Rueda: ‘Esperanza Aguirre di o que pensa todo o mundo’O conselleiro de Presidencia, Administracións Públicas... -
A ARMH buscará desaparecidos do franquismo en GalizaA Asociación para a Recuperación da Memoria Histórica...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
