PUBLICIDADE
Martes, 09 de febreiro de 2010
Portada  |  SOCIEDADE   RSS  |  Educación   RSS
Sábeno os pais e nais?
O alumnado galego domina máis o castelán que a media española

Redacción .  A Coordinadora Galega de Equipos de Normalización e Dinamización Lingüística está a desenvolver unha campaña informativa sobre a consulta que está a realizar a Consellaría de Educación verbo da lingua no ensino. A través do reparto de trípticos, os docentes fanlles saber ás familias datos significativos, como que o alumnado galego ten mellor dominio do castelán que a media española.

Reloxo 11.06.2009 | 07:33
TAGS: coordinadora , lingua , galego , educación , ensino , normalización , endl , dinamización , lingüística , pp , alberte núñez feixóo , decreto ,

Crianzas nunha saída da escola infantil Crianzas nunha saída da escola infantil. AGN Sabía que o alumnado galego ten mellor dominio do inglés que a media española? Outro tanto acontece co castelán. Para evitar o descoñecemento das familias ao redor da situación lingüística no ensino, a Coordinadora Galega de Equipos de Normalización e Dinamización Lingüística (ENDL) emprendeu unha campaña de carácter informativo.

Ante a actual situación na que o idioma está a ser utilizado para separar os galegos e galegas nunha loita na que un sector da sociedade busca a desaparición da lingua no sistema educativo, os docentes consideran que cómpre ofrecer información rigorosa para que as familias poidan decidir os mellor para os seus fillos e fillas.

A Coordinadora subliña no tríptico informativo que “intereses políticos, que non educativos, crearon un problema no ensino ao redor das dúas linguas oficiais da comunidade, que pode derivar nunha perigosa fractura social”.

Datos significativos que lles achega a Coordinadora aos pais e nais
- O alumnado galego ten mellor dominio do castelán que a media española, xa que segundo o informe Pisa, as comunidades con dúas linguas sitúanse por riba da media española en competencia en lingua castelá. Existen estudos que demostran que en Galiza os resultados obtidos polo alumnado son mellores que os doutras comunidades autónomas.

- O alumnado galego ten mellor dominio do inglés que a media española. Así o demostran análises  como Avaliación da calidade e innovación dos centros educativos, publicada no 2008.

- O alumnado galego remata a secundaria máis capacitado que o doutras comunidades que teñen unha soa lingua. Seis premios estatais de Bacharelato de Formación Profesional deste ano recaeron en galegos, que se formaron estudando materias en lingua galega.

- O galego necesita aprenderse na escola. O sistema educativo ten que garantir que os nenos e nenas saiban por igual galego e castelán. Para moitos nenos e nenas a escola é o único lugar no que conviven co galego. Por iso, xa que o galego precisa espazos de uso é fundamental que, cando menos, a metade das materias se impartan no noso idioma. As linguas apréndense usándoas.

- Saber galego axuda a aprender. Os estudos dos especialistas en adquisición de linguas (Cummins, I. Vila, C. Baker...) demostran que é máis fácil aprender unha nova lingua partindo doutras. Canto máis temperá é a introdución de novas linguas, mellor se consolidan.

- O galego é unha ponte para coñecer a lingua portuguesa e ábrenos as portas a un mercado próximo aos 300 millóns de persoas.

- Nun mundo fortemente competitivo onde os idiomas van ser básicos para abrirse camiño na vida, temos que ser conscientes de que non nos podemos permitir o luxo de desprezar ningunha das nosas potencialidades lingüísticas.
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/2 Dereita
© 2010 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou