PUBLICIDADE
Luns, 15 de marzo de 2010
Portada  |  SOCIEDADE   RSS  |  Saúde   RSS
Incluirá fotos dos efectos nocivos deste produto
Sanidade ultima a reforma da etiquetaxe do tabaco

Redacción .  O Ministerio de Sanidade e Política Social ultima a modificación do Real Decreto que regula a etiquetaxe dos produtos de tabaco para obrigar á industria tabaqueira a introducir nos paquetes imaxes sobre os efectos nocivos para a saúde deste produto, tales como fotos de pulmóns cancerosos, tumores de colo, dentaduras danadas ou pel envellecida.

Reloxo 09.06.2009 | 12:34
TAGS: tabaco , lei , etiquetaxe ,

A titular do departamento, Trinidad Jiménez, anunciou recentemente que a norma estará lista antes do verán e, segundo informaron fontes do ministerio, as imaxes “disuasorias” do hábito tabáquico serán escollidas dun catálogo de ilustracións que aprobou a Comisión Europea en maio de 2006 para unificar os criterios nas advertencias.

A CE ofrece fotos dunha dentadura deteriorada e das lesións externas e internas que pode provocar na boca algunhas substancias presentes no fume, como benceno, nitrosaminas, formaldehído e cianuro de hidróxeno: ou imaxes de intervencións cirúrxicas para explicar que fumar obstrúe as arterias e provoca cardiopatías e accidentes cardiovasculares.

A tramitación do Real Decreto que permita a inclusión destas imaxes acostuma a ser rápido plo que en poucos meses se poderían ver en todos os paquetes de tabaco. O obxectivo, segundo a ministra, é que existan “pictogramas que disuadan á persoa que o reciba e que sexa consciente de que o tabaco mata e produce danos irreversíbeis na saúde”.

Bélxica, Reino Unido e Romanía xa as levan

Polo momento, Bélxica, Romanía e Reino Unido xa dispoñen nas súas caixas de tabaco de mensaxes e fotos similares ás que pretende incluír España, mentres que outros países da UE como Finlandia, Letonia, Francia, República Checa, Malta e Irlanda tamén están interesados nesta materia.

Fóra de Europa as caixas de tabaco de Canadá, Brasil, Singapur, Tailandia, Venezuela, Xordania, Australia, Uruguai, Panamá, Chile, Hong Kong, Nova Zelandia, Exipto, India, Brunei, Taiwán, Malasia, Perú, Yibuti e Suíza levan imaxes similares.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou