Votación no Parlamento Europeo. PE

Así o expresou o portavoz da Federación de Asociacións de Inmigrantes e Refuxiados (Ferine), Víctor Sáez, quen vaticinou que os próximos cinco anos serán “malos tempos para os inmigrantes” porque na UE “gañou o discurso xenófobo, o das restricións de dereitos e o do medo”.

Sáez coincidiu co portavoz da asociación hispano ecuatoriana, Rumiñahui, Raúl Jiménez, ao afirmar que nos últimos anos “se tirou por terra todo o traballo dos que crían na Europa dos dereitos sociais”, dando paso a unha ideoloxía dominante que “pretende criminalizar aos estranxeiros e quitar dereitos aos traballadores”.

Para Jiménez é “preocupante o avance en países como Finlandia e Holanda, con partidos que son xenófobos e reacistas e que pese a elo lograron un posto no Parlamento Europeo”. Na súa opinión este avence é a proba de que “o discuros contra a migración calou nestas eleccións”.

Pola súa banda, o presidente da Asociación de Traballadores Marroquís en España (Atime), Kamal Rahmouni, abordou a cuestión en termos de “inquietude e preocupación”. Segundo dixo, aínda que o resultado electoral non sorprende, si provoca certo temor porque “a ultradereita que se abre camiño noutros países europeos é a mesma que fixo da inmigración e a relixión un eixo nas campañas electorais”.

Juan Carlos Rois, presidente da Asociación América España Solidariedade e Cooperación (Aesco), subliñou que máis que un avance da dereita e esquerda, o que viu nestes comicios foi “un avance da abstención, feito que reflexa que cada vez hai máis cidadáns que non  están de acordo cunha serie de predicamentos aínda que aos partidos non parece importarlles”. Rois confesou non sentirse preocupado pola chegada de partidos xenófobos ao parlamento europeo porque, dixo “está por ver se esa dereita brava pode poñer en marcha algunha das medidas que anunciou. É fácil dicir que se vai a expulsar a 12 millóns de persoas pero dubido que iso se poida facer”.