RSS
Redacción . Olivia Newton-John, AC/DC, The Eagles e Prince foron os primeiros artistas 'supervendas' que renunciaron a un contrato discográfico tradicional nos Estados Unidos. Agora é Pearl Jam, unha das bandas máis famosas do rock americano, quen aposta pola venda a través da internet e polo miúdo.
04.06.2009 | 09:58
Pearl Jam presenta 'The Fixer' na televisión americana
O grupo quere autoeditar o seu novo disco e que sexa distribuído nos Estados Unidos a través da cadea de tendas Target. A pasada semana, Pearl Jam gravou en Seattle un anuncio para Target baixo a dirección do realizador cinematográfico Cameron Crowe. Pearl Jam terminou o seu contrato coa multinacional Sony logo de 18 anos. Moito se especulou sobre cal sería o selo discográfico que editaría o seu próximo álbum. Agora, o manager do grupo confirmou que o disco –que podería titularse 'Backspacer' e editarse a principios de outono– porase á venda nos Estados Unidos sen que Pearl Jam firme un novo contrato cunha compañía discográfica, pero chegando a acordos con distribuidoras e comerciantes polo miúdo, sendo Target o seu apoio principal na posta á venda do LP. A banda de Eddie Vedder tamén está negociando cunha tenda na internet, unha compañía de telefonía móbil e con tendas independentes. No mercado internacional, o álbum sería distribuído por Universal Music Group.
Unha das novas cancións de Pearl Jam, 'The Fixer', soa no anuncio para Target e é, tamén, unha das candidatas a converterse no primeiro single do álbum. O sinxelo editarase no mes de xullo.
De concretarse a súa asociación con Target, Pearl Jam seguirá os pasos de Olivia Newton-John, AC/DC, The Eagles e Prince, que tamén preferiron non asinar contratos con discográficas e distribuír os seus discos nos Estados Unidos chegando a acordos con cadeas de tendas.
1/1
Últimas
+ lidas
+ votadas
+ comentadas
1/4
3
Novas relacionadas
En portada...
-
De la Vega chama ‘desleal’ a AguirreA vicepresidenta primeira do Goberno do Estado, María... -
‘As mariscadoras son un modelo a seguir’A comisaria de Asuntos Marítimos e Pesqueiros da Unión... -
Reconstruír Chile custará 22.000 millóns de eurosO presidente de Chile, Sebastián Piñera, dixo este... -
O BNG pídelle a Feixóo que rache a negociación sobre a Lei de CaixasO portavoz nacional do BNG, Guillerme Vázquez, insta ao... -
O COAG apoia ‘sen fisuras’ a nova Norma do HábitatO Grupo de Traballo-Hábitat do Colexio Oficial de... -
'Baltar utiliza as debilidades persoais''O secretario provincial do PSdeG en Ourense, Raúl... -
Feixóo anuncia 4.500 novas prazas de 0 a 3 anosO Goberno galego impulsará un plan de actuación social... -
A UDC traballa no deseño dun coche de baixo custo para SEATUn equipo de 14 investigadores da Escola Universitaria de...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
