PUBLICIDADE
Domingo, 21 de marzo de 2010
Portada  |  SOCIEDADE   RSS  |  BLOG XURXO ESTEVEZ   RSS
BLOG XURXO ESTEVEZ
Xurxo
Estevez
(da serie 'Vivo debaixo da ponte e vou traballar en tranvía', capítulo 3)
Gústalles máis facelo a pelo e os seus delicados membros non soportan as gomas
 31.05.2009 | 23:03

Ninguén quería perder o grande acontecemento, a visita da Virxe de Fátima ao Cristo Rei Ninguén quería perder o grande acontecemento, a visita da Virxe de Fátima ao Cristo Rei. Fotomontaxe: Xurxo Estévez

Non é que  queira invadir o campo temático da miña compañeira de blog Dulce Suevia, mais o título, veredes, venlle moi fino ao post.

399 relixiosos  están xa identificados polas 2.000 vítimas que prestaron  declaración. Das 60 mulleres identificadas como estupradoras, 39 son relixiosas. Calcúlase que 25.000 nenos pasaron polas 55 escolas industriais e reformatorios de Irlanda durante as décadas nas que se produciron, sistematicamente, as violacións.

Despois de dez anos de investigación, estas son as conclusións do informe de 2.500 páxinas sobre os estupros producidos pola igrexa católica en Irlanda:
 
1-Non se dará a coñecer os nomes dos estupradores.
 
2-O estado irlandés será quen se faga cargo das indemnizacións coas que tratarán de tapar a boca das vítimas, gracias a un vantaxoso acordo asinado en 2002 entre a igrexa católica dos violadores e o goberno de Dublín. O estado pagará 1.200 millóns de euros e a igrexa só 128 millóns.
 
“As testemuñas informan que foron sexualmente asaltados en moitos lugares, incluíndo dormitorios, cuartos de persoal, gardarroupas, igrexas, sacristías, aulas, lugares de traballo, cociñas, enfermerías, duchas, lavabos, alpendres exteriores, dependencias agrícolas, en campo aberto, áreas de recreo, vehículos a motor, casas privadas, locais comerciais e outras localizacións”, explica o texto do relatorio.

Durante os anos destas violacións masivas, Rouco Varela e seus seguidores sacaron a milleiros de fieis á rúa para defender a familia e para que os estudantes continuasen a recibir, exclusivamente, adoutrinamento católico, opóndose á implantación da materia de Cidadanía. E continuaron a recibir ríos de diñeiro dos impostos que pago eu para promover manifestacións e aquelarres que obrigasen ás mulleres a apandar cos embarazos, quixesen ou non, e para que non se usase o condón nin ningún outro método anticonceptivo. Gústalles máis facelo a pelo e os seus delicados membros non soportan as gomas cando penetran.

Xa agora, temos un aniversario: o Cristo-Rei de Almada, ao outro lado do Río Tejo, fronte a Lisboa, está a conmemorar o 50 cabodano. Para darlle relevo ao evento, a xerarquía católica lusitana organizou unha visita da estatua da Virxe de Fátima a Lisboa (a auténtica estatua, non ningunha das “estatuas peregrinas” -ou sexa, falsas-, que empregan para atender ás peticións de empréstito).
 
A ponte está a rebentar, as persoas non saben xa por onde pasar para non perderse esta ocasión histórica.
 
Pola televisión aclaran que “grazas ao Cristo Rei, Portugal non entrou na II Guerra Mundial”. Boa información, non cabe dúbida.
 
Calculan que acudan polo menos  250 mil persoas,  mais a organización agarda que veñan “moitos máis, tendo en conta que a afluencia foi de meio millón de fieis ás rúas de Lisboa na última vez que a imaxe de Nossa Senhora de Fátima estivo na capital”.  
 
Supoño que virá tamén dona Marina, da que conta o cronista que “Marina tivo xa o seu milagre. Aconteceu polo camiño, xusto cando  máis se precisan os milagres: cando estaba a piques da desesperanza. Era o segundo día de camiño a pe  até Fátima, desde que saíra de Porto, o pasado xoves. A hernia discal estáballe a imposibilitar a peregrinaxe. No restaurante, onde parara con un grupo a comer, cavilaba que chegara xa o momento de desistir e non conseguiu conter o choro. “Un señor, que non coñezo de lado ningún, fíxome unha masaxe nas costas. Estaba tan trastornada que nin o vin aproximarse. Díxome que lle collera o rosario e comezou a falarme do meu fillo (e sen  coñecerme de nada). Dixo que eu iría conseguir, que a Nossa Senhora falaría comigo. A partir de aí, resucitei”.
 
Ben por ela. E ben tamén polo Vaticano, pois “O Vaticano tiña un plan, durante a Segunda Guerra Mundial, para que os responsábeis da Santa Sede se mudasen para Portugal caso Hitler concretase a  ameaza de raptar o Papa Pío XII, segundo o Daily Telegraph”.
 
Unindo ambas cousas, o noso inesquecíbel papa Woyjtila, que deus o teña ao seu lado, tivo o detalle de regalarlle a Fátima a bala coa que Mehmed Ali Agca intentou asasinalo o 13 de maio de 1981, cumprindo así o que viría a ser o terceiro milagre de Fátima, gardado no máis alto segredo durante case un século.
 
Efectivamente, cando a virxe lle apareceu aos tres pastores analfabetos portugueses na Cova de Íria, o 13 de maio de 1917, reveloulles que “un bispo vestido de branco caería morto baixo os disparos dunha arma de fogo”, segundo revelou logo o cardeal Sodano.

O papa salvouse  pois “parece claro que a man materna foi quen guiou a traxectoria da bala, permitindo ao agonizante papa que se detivese ás portas da morte”, segundo Sodano. En agradecemento, Woyjtila dooulle á virxe a bala asasina durante a súa terceira visita ao santuario, en 2000. Por iniciativa do bispo, a bala engarzouse na coroa da imaxe da virxe de Fátima, e aí segue.
 
Así que as cousas están moi claras, para quen as queira ver. O que pasa é que hai moito integrista que non se cre nada disto. Mágoa dunha boa fogueira!, xa veríamos se acreditaban ou non.

 
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou