Evo Morales, presidente de Bolivia. David Mercado/Reuters

En rolda de prensa, Llorenti exhibiu o documento do Departamento de Estado, no que, segundo dixo, se constata "como os Estados Unidos daban instrucións aos presidentes bolivianos antes do 2006".

"Pomos a coñecemento da opinión pública documentación desclasificada polo goberno dos Estados Unidos de como se daban as instrucións aos presidentes bolivianos antes do 2006 para xerar violencia, confrontación e obviamente a violación da nosa soberanía", denunciou o viceministro.

"Instamos a que vostede erradique a coca agresivamente. Con todo agora nós cremos que simplemente erradicar a coca non é suficiente", reflicte o documento desclasificado dirixido a Tuto Quiroga.

Plan Cóndor

Ademais do documento, este venres o goberno de Bolivia solicitou a colaboración do Arquivo Nacional de Seguridade dos EE UU para sacar á luz unha serie de documentos que conteñen datos sobre crimes cometidos durante aplicación do "Plan Cóndor", nos anos 70 e 80, deseñado para instaurar réximes totalitarios de corte militar en Latinoamérica.

O estudo encabézao o investigador estadounidense, Peter Kornbluh, que presentou o pasado venres en La Paz documentos básicos descubertos nos EE UU que revelan, por exemplo, o intercambio de presos políticos, casos de detención de asilados, así como o seu intercambio e execución.

O documento, a exame no Congreso

Llorenti revelou que o documento desclasificado exhorta a Quiroga ao "peche os mercados ilegais da coca no Chapare, que confisque e queime a coca en tránsito e que arreste os dirixentes (...) Dúas ou tres semanas despois, –o 26 de xaneiro de 2002–, a prensa informa de que todos os dirixentes cocaleiros están tras as reixas acusados de sedición e asasinato, cumprindo as instrucións dos EE UU", afirmou.

Segundo declarou o viceministro, o documento será enviado ao Congreso para que estude o tema relacionado coa inxerencia