Ugio Caamanho no xuízo da Audiencia Nacional. Ceivar.org

Caamanho, que recorreu a súa condena en casación, atópase en liberdade dende o pasado mes de novembro, tras cumprir máis da metade da pena que lle foi imposta con carácter preventivo.

O relator da resolución en firme sobre este caso será o maxistrado da Sala do Penal do Supremo Adolfo Prego. Completarán o tribunal Julián Sánchez Melgar, Francisco Monterde, Manuel Marchena e José Antonio Martín Pallín, informaron fontes do alto tribunal.

A sentenza da Audiencia Nacional condenou a Ugio Caamanho como autor dun delito de danos terroristas con finalidade de subverter a orde constitucional (tres anos), un delito de uso ilexítimo de vehículo con motor (1.626 euros de multa), e un delito de falsidade en documento oficial (un ano e nuove meses e 1.286 euros de multa).

Pola súa banda, considerou a Giana Gomes culpábel dos mesmos delitos de danos terroristas e uso ilexítimo de vehículo con motor. Tamén o pasado mes de novembro a moza saíu de prisión, onde se atopaba dende 2005, ao cumprir xa a totalidade da súa condena en carácter preventivo.

Ademais, a Audiencia condenou a ambos os dous a indemnizar conxuntamente tanto as empresas como os particulares afectados pola explosión coa cantidades que se precisen na execución da sentenza.

Rebaixa con respecto á petición

Esta condena, supón unha rebaixa considerábel con respecto á petición de pena que fixo a fiscal para ambos os dous acusados. A representante do Ministerio Público Blanca Rodríguez solicitou que Caamanho fora condenado a 20 anos de cárcere como autor dun delito de estragos (15 anos) outro delito de utilización ilícita de vehículo con motor (3 anos) e outro delito continuado de falsidade documental (2 anos), polo que solicitaba tamén unha multa de 1.440 euros.

No canto a Giana, a fiscal pediu 18 anos por outro delito de estragos e outro delito de uso ilícito de vehículo con motor. Non obstante, Blanca Rodríguez formulou a alternativa ao tribunal de substituír en ambos os dous casos o delito de estragos por outro de danos (3 anos) en caso de que considerase excesiva a cualificación inicial, tal e como finalmente fixo a Audiencia.