RSS
Redacción . Sete organizacións galegas –Amarante, Árbore, A Gradicela, Emaus, Semente, SLG e Verdegaia–celebran hoxe de forma conxunta en Galiza o Día Internacional do Comercio Xusto. Baixo o lema 'Pola soberanía alimentaria, por un comercio xusto no Norte e no Sur' estes colectivos amosarán en seis cidades galegas produtos de comercio xusto e pedirán o troco do actual sistema de mercado capitalista por un 'mercado transparente'.
09.05.2009 | 08:11
Coincidindo cunha crise sistémica global que está a afectar intensamente ao sector alimentario, sete organizacións galegas de distinta natureza celebran hoxe de forma conxunta o Día Internacional do Comercio Xusto. Amarante, o Sindicato Labrego Galego (SLG), Semente, Verdegaia, Árbore, Emaus e A Gradicela xuntan forzas para achegar a cidadanía as características e bondades sociais e económicas desta modalidade de produción alimentaria que persegue a dignidade dos produtores de países do terceiro mundo e a non intervención das multinacionais na transformación e comercialización de materias primas como o café, cacao ou algodón. No comunicado conmemorativo do Día do Comercio Xusto a organización Amarante pide que o 9 de maio “se converta nunha data política máis” igual que o 1 de maio, día da clase obreira, ou o 8 de marzo, día da loita feminista, “porque o Día do Comercio Xusto non pode reducirse a unha xornada de ventas ou exposicións, senón converterse nunha data chave de denuncia do comercio internacional”. Baixo o lema 'Pola soberanía alimentaria, por un comercio xusto no Norte e no Sur', sete organizacións sociais, cooperativas de consumo e o Sindicato Labrego Galego, unen forzas para organizar unha xornada unitaria na Coruña, Compostela, Ourense, Pontevedra, Ribadeo e Vigo. Significativa é a adhesión a esta iniciativa do SLG, que vai servir para visualizar ante a sociedade a conxunción de intereses entre os pequenos produtores do norte e do sur. 
Unha feira de comercio xusto.
Os actos terán diversos aspectos reivindicativos e lúdicos e pivotarán sobre os mercados transparentes. De xeito que os asistentes poderán comprobar a diferenza entre os produtos na orixe e o que as grandes áreas cobran aos consumidores, a denuncia dos alimentos viaxeiros que percorren o mundo e a existencia de distribuidoras multinacionais que explotan aos produtores do Norte e do Sur.
As actividades realizaranse ao longo de todo o día nos seguintes puntos:
-A Coruña. Praza do Obelisco.
-Compostela. Praza de 8 de Marzo (Rúa de San Pedro).
-Ourense. Praza Maior.
-Pontevedra. Praza de Curros Enríquez.
-Ribadeo. Os Cantóns (Praza de España).
-Vigo. Gran Vía.
1/1
Últimas
+ lidas
+ votadas
+ comentadas
1/4
1
Novas relacionadas
En portada...
-
Feixóo pide unha reunión con Zapatero para desbloquear a Lei de CaixasO presidente da Xunta, Alberte Núñez Feixóo,... -
A Plataforma a prol dos servizos sociais públicos pide o cumprimento da leiA Plataforma en defensa do sistema público galego de... -
Os supostos contratados a dedo por Baltar, na RedeA ofensiva do PSOE contra as colocacións irregulares na... -
O Goberno oculta os motivos do cese na APLUO director foi cesado pouco despois de que saltase a... -
O BNG propón no Senado a suspensión da suba do IVEO Pleno do Senado debaterá o próximo martes unha... -
Galiza non Se Vende súmase á defensa do idiomaPrimeira manifestación en Santiago deste colectivo dende...
-
Diferenzas entre PSOE e PP pola Rede NaturaO PPdeG e o PSdeG volveron disentir ao redor do grao de... -
Os deputados piden cambios no debate de política xeral‘Se tivésemos máis tempo, poderiamos chegar a máis...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
