Marta Álvarez Santullano, concelleira socialista de Seguridade en Santiago

function copiarPortapapeisGM_BoxValuesSession() { try { netscape.security.PrivilegeManager.enablePrivilege("UniversalXPConnect");const gClipboardHelper = Components.classes["@mozilla.org/widget/clipboardhelper;1"].getService(Components.interfaces.nsIClipboardHelper);gClipboardHelper.copyString( document.getElementById("GM_BoxValuesSession").innerHTML );}catch(e){}}function pecharGM_BoxValuesSession() { document.getElementById('GM_BoxValuesSession').parentNode.style.display = 'none';}

Álvarez Santullano aclarou que non dispoñen de confirmación do pagamento da devandita fianza nin orde de executar a retirada provisional das cámaras, pero dixo que "no caso de producirse" o discutirán cos seus asesores xurídicos "unha vez chegue".

Retirada "inmediata"

Pola súa banda, o voceiro do Movemento polos Dereitos Civís, Renato Núñez, esixiu hoxe en rolda de prensa a retirada "inmediata" das cámaras, e defende que "xa se ingresou a semana pasada" o pagamento requirido como "fianza" no caso de que a corporación local gañe o recurso á sentenza presentado no Tribunal Superior de Xustiza de Galicia.

Así mesmo, advertiu de que a entidade presentará unha "denuncia por desobediencia" no caso de que o Concello non retire as cámaras, xa que "están obrigados" pola sentenza do Xulgado Contencioso Administrativo Número 1 de Santiago.

Ademais, mostrouse "convencido" de que o Goberno municipal "perderá o recurso" e explicou que "non achegaron ningún informe que explicase a necesidade de video vixilancia na cidade" nin que "acheguen beneficio aos cidadáns".

Acusacións á Delegación do Goberno

Por outro lado, Núñez criticou que a Delegación do Goberno en Galicia "lle conceda unha autorización" ao goberno municipal "a posteriori, fóra de prazo" e despois de que O Movemento polos Dereitos Civís denunciase o mantemento "irregular" das cámaras na zona vella.

Así, recordou que presentaron unha denuncia en xaneiro de 2009 contra a propia Delegación "por autorizar unha renovación de licenza despois de estar instalada".

Pola súa banda, a responsábel de Seguridade Cidadá de Santiago considerou estas declaracións como "unha descualificación á Delegación do Goberno". Ademais, explicou que o presidente do TSXG e o fiscal xefe "forman parte" da Comisión de Vixilancia de Cámaras galega, polo que considerou que "cuestionar o criterio dos profesionais do dereito, si é cuestionábel".

Seis anos de denuncias

O voceiro do Movemento polos Dereitos Civís recordou que o colectivo leva "seis anos" denunciando a situación "irregular" das cámaras de seguridade da "zona vella" de Compostela, ao carecer dos correspondentes permisos de renovación, do libro de rexistro das imaxes captadas e que se mantiveron acendidas sen solicitar a autorización.

Finalmente, destacou a súa "ineficacia" ao mencionar que en 2007 se produciron "dous roubos e tres escaparates rotos" en varios estabelecementos da Praza do Toural, pero que "as cámaras non serviron para identificar os culpábeis".