Unha caricatura de Mihai Ignat

Unha viñeta onde se pode ver unha mesa co respectivo mantel, un camareiro a deseñar no mantel dous pratos cos seus servizos de mesa (garfo e coitelo), e un cliente sentado deseñando no mesmo mantel un billete de 100, é o traballo vencedor do XI Grande Prémio do PortoCartoon–World Festival.

Esta edición do festival estivo dedicada á crise e o vencedor anunciado onte foi o romanés Mihai Ignat, que viu a sua obra ser votada por unanimidade.

O francês Georges Wolinski, presidente do xurado internacional composto por oito persoas, dixo ser este “un deseño estremadamente sutil” e que, pola calidade apresentada, non foi difícil escoller os tres primeiros, eloxiando o português Augusto Cid e o polaco Zigmunt Zaradkiewicz polos segundo e terceiro premios.

Tamén o holandês Peter Nieuwendijk, secretario xeral da Federación Internacional de Organizacións de Cartoon (FECO), dixo ser a obra vencedora excelente, unha vez que non son precisos mais de cinco segundos para se entender a mensaxe.

Luís Humberto Marcos, presidente do Museu Nacional de Imprensa, organizador do PortoCartoon, destaca a calidade dos máis de 2.000 deseños presentes a concurso este ano, dicindo que o mellor da crise é o humor, unha vez que non está en crise.

Alén dos tres primeiros premios, o xurado atribuíulles mencións de honra a moitos cartoonistas como Pat Campbell da Australia, Valentin Georgiev da Bulgaria, Lae Nam da Corea do Sur, António Mongiello de Francia, Achile Superbi e Agim Sulas de Italia, Mahmood Azadnia de Irán, Grzergorz Szumowski de Polonia, Valentin Druzhinin de Rusia, Muhittin Koroglu de Turquia e Yuriy Kosobukin de Ucraína.