PUBLICIDADE
Martes, 16 de marzo de 2010
Portada  |  SOCIEDADE   RSS  |  Saúde   RSS
433 euros por persoa e ano
O tabaco xera un sobrecusto sanitario de 16.500 millóns

Redacción .  O tabaco xerou no 2008 un sobrecusto sanitario e social de 433 euros por cidadán, o que supuxo un custo total de 16.474 millóns de euros, segundo datos do Comité Nacional para a Prevención do Tabaquismo (CNPT), do que forman parte máis de corenta entidades científicas e profesionais do ámbito sanitario.

Reloxo 20.04.2009 | 09:56
TAGS: sanidade , tabaco , sobrecusto ,

Este comité denunciou nun comunicado que este “formidábel custo non o pagan solo os fumadores senón todos os cidadáns na medida que repercute nos impostos e nos prezos dos bens e servizos”.

O CNPT propón “un incremento da fiscalidade do tabaco a fin de desincentivar o consumo e contribuír a compensar este sobrecusto.

O CNPT estimou que os custos sanitarios directos das cinco enfermidades máis frecuentes asociadas ao consumo de tabaco suman actualmente en España un custo superior aos 7.700 millóns de euros anuais. O comité desglosou as enfermidades máis custosas para a sanidade, estando en primeiro lugar o infarto de miocardio, con preto de 3.650 millóns de euros, seguida de cerca pola enfermidade obstrutiva crónica (bronquite crónica, enfisema), cun gasto sanitario superior aos 2.900 millóns de euros anuais.

Por outro lado esta agrupación tamén avaliou as perdas que ocasionan os empregados fumadores aos empresarios sinalando que o tabaco entrañou un “dispendio” de 8.780 millóns para as empresas españolas. De xeito que o CNPT aposta pola “aplicación estrita da prohibición de fumar nos centros de traballo que reduciría nun terzo este custo durante os próximos 10 anos”. Para facer fronte a este gasto esta organización xustifica un incremento “significativo” dos impostos especiais que “suporían unha recadación de 8.000 millóns de euros anuais”.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou