function copiarPortapapeisGM_BoxValuesSession() { try { netscape.security.PrivilegeManager.enablePrivilege("UniversalXPConnect");const gClipboardHelper = Components.classes["@mozilla.org/widget/clipboardhelper;1"].getService(Components.interfaces.nsIClipboardHelper);gClipboardHelper.copyString( document.getElementById("GM_BoxValuesSession").innerHTML );}catch(e){}}function pecharGM_BoxValuesSession() { document.getElementById('GM_BoxValuesSession').parentNode.style.display = 'none';}

A realidade é teimuda, as tecnoloxías son unha prioridade nos discursos, pero o analfabetismo tecnolóxico (e dixital) da inmensa maioría da clase política -quen xestiona o ben común da sociedade na que vivimos-, impide un compromiso real: non se pode apostar polo que non se coñece.

Ao outro lado do “charco”, nos USA, a crise e perigo real sobre a subsistencia da súa sociedade de benestar levou os estadounidenses a apostar por unha alternativa inconcebible a priori: un presidente negro, alonxado dos lobbies tradicionais, comprometido coa transparencia e a participación cidadá a través dun uso intensivo e intelixente da tecnoloxía.

Obama levou a súa disruptiva fórmula máis aló da campaña, e os nomeamentos do seu CIO (responsable de sistemas de información) e posible CTO (responsable de tecnoloxías) confirman o seu compromiso.

No blog de O'Reilly podemos recoller opinións tanto do xa CIO, Vivek Kundra, coma do máis que posible CTO, Anees Chopra. Son rock stars, cunha experiencia aliñada coas máximas da campaña de Obama: transparencia, software libre, innovación, estándares abertos...

A maiores, traduzo libremente do inglés o rol de cada un deles:

“[...] As responsabilidades do CIO son a utilización das tecnoloxías da información para transformar a maneira na que o goberno opera. O CTO desenrolará a estratexia nacional para usar as tecnoloxías de forma que transformen a economía e a sociedade, promovendo a innovación do sector privado, reducindo costes administrativos e errores médicos, e utilizando a tecnoloxía para mudar a forma na que profesores e alumnos aprenden. [...]”

O CIO da Xunta tería que facerse cargo do reino de taifas actual, creado pola falta de interese na tecnoloxía do anterior goberno do PP, e cambiado so lixeiramente pola dupla PSOE+BNG (coa loable excepción da dirección xeral de Veiguela e o PEGSI). O CTO, debería liderar a política tecnolóxica do País, facendo fincapé na sanidade e na educación, con propostas de evolución radical sobor do actual dispendio de fondos públicos.

Non é unha cuestión de partidos, senón de persoas e a súa posición no escalafón dos mesmos. ¿Teremos os equivalentes aos CIO e CTO de Obama na Xunta? E no caso de habelos, ¿vánselle otorgar os galóns a persoas coa valentía e descaro necesarios para enfrontarse á ignorancia tecnolóxica dos nosos políticos?