RSS
Redacción . Os traballadores do Consorcio de Igualdade e Benestar anunciaron hoxe que dende próxima semana iniciarán unha serie de mobilizacións para denunciar a actitude 'obstrucionista e boicoteadora' do PP e solicitar que se convoquen inmediatamente as probas selectivas, tal e como estaba previsto.
29.03.2009 | 11:35
Así o decidiron nunha asemblea convocada pola CIG onte, á que asistiron unhas 400 persoas e na que reprocharon a "total desconsideración" dos populares co persoal do Consorcio. Concretamente, acusaron á formación que dirixe Alberto Núñez Feixóo de usar este órgano como "carne de canón" para os seus "intereses políticos espurios" e, en lugar disto, pediron ao futuro presidente da Xunta que aposte por manter o carácter público do Consorcio. O equipo fará estas reivindicacións cunha concentración mañá ante a sede do organismo, en Santiago, a partir das 11.15 horas e, un día despois, os traballadores iniciarán un encerro no mesmo lugar. Tamén estudarán a posibilidade de realizar mobilizacións nas galescolas situadas nos concellos gobernados polo PP e os alcaldes das cales se negan a designar os membros dos tribunais (Crecente, Ortigueira e Taboada) ou deixaron sen efecto eses nomeamentos (Pereiro de Aguiar, Portas, Xinzo, Pantón e Ponteceso). Segundo informou o sindicato CIG, o equipo proponse ademais solicitar o apoio dos usuarios do Consorcio para que se manteña o servizo, o seu carácter público e a consolidación dos traballadores nos seus postos. Tras a asemblea de onte, os asistentes concentráronse diante da sede do Consorcio para esixir a "inmediata celebración" das probas e para que, deste modo, non se ceda á "chantaxe e a extorsión antidemocrática" do PP.
1/1
Últimas
+ lidas
+ votadas
+ comentadas
1/4
8
Novas relacionadas
En portada...
-
Once feridos en novos bombardeos contra os palestinosOnce palestinos resultaron feridos esta noite, dous deles... -
Feixóo pide unha reunión con Zapatero para desbloquear a Lei de CaixasO presidente da Xunta, Alberte Núñez Feixóo,... -
Os supostos contratados a dedo por Baltar, na RedeA ofensiva do PSOE contra as colocacións irregulares na... -
A Xunta prevé aforrar 6 millóns cos 'superdelegados'O Goberno galego cifra en 6 millóns de euros o aforro... -
O BNG propón no Senado a suspensión da suba do IVEO Pleno do Senado debaterá o próximo martes unha... -
Carme Chamorro: 'A gran lacra das redeiras é o intrusismo'A Federación Galega de Redeiras Artesás 'O Peirao'... -
Galiza ten os índices máis baixos de fracaso escolarOs datos do INE indican que a nosa Comunidade está entre... -
Baltar Blanco aplaude o novo decreto do galegoO presidente do PP de Ourense, Xosé Manuel Baltar...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
