PUBLICIDADE
Venres, 19 de marzo de 2010
Portada  |  MUNDO   RSS  |  BLOG ANA MIRANDA   RSS
BLOG ANA MIRANDA
Ana
Miranda
Política
Mirando diáspora
Miña avoa Lela, que tivera uns anos o pai e tíos en Bos Aires, un irmán que viviu e morreu en Chile e o avó en Cuba, dicía sempre, mirando diáspora. Eu non sabia o significado da frase, cando a repetia moi maior, con alzheimer, nun proceso de regresión mental á infancia. Tardei anos en comprender. Exactamente cando viñen para Bélxica en 1997. Mirando diáspora, unha frase estraña, chea de esperanza ou de desesperación, de cultura popular, de ollada ao sur, de ollada aos fillos dos barcos.
 13.03.2009 | 17:37

Lista de emigrantes saídos de Vigo Lista de emigrantes saídos de Vigo

Diáspora: parte de membros dun pobo ou nación, dispersos polo mundo, pero en relación, creando á pertenza a unha colectividade. Teñen os galegos e galegas do mundo ese grado de pertenza? Todo apunta a que si, ao sentido identitario, ás veces con trazos máis identitarios ou menos, outras segundo a forma de organización no exterior, con estereotipos moi marcados de tipo sentimental, con imaxes fixas e non renovadas no tempo en moitos casos, e outras sorprendentemente modernas e comunicadas co país. Unha diáspora polo tanto, hereroxénea, que cando se organizou inicialmente tivo unha vocación mutualista, colectiva, de solidariedade interna e cara a Galiza, de solidariedade internacional, e que logo, nas formas organizadas, foi evoluíndo, adoptando formas algunhas veces estancadas no tempo, outras desfacéndose das formas do pasado con evidente marxinación por parte da ditadura e seus continuadores descafeinados democraticamente. Mais cómpre facer unha revolta completa na relación futura co noso mundo exterior, e máis agora que o PP vai voltar a instrumentalizala. Unha proba é a viaxe de Añberto Núñez Feixoo esta fin de semana a terras do Rio da Prata.

Sentímolo moito, pero non hai tempo para as depresións agora, cómpre devolver confianzas, agradecer a quen votou e depositou apoio a un proxecto, asi que grazas aos 2898 votos, limpos e concenciados votos, sen campaña no exterior e sen usufructos paternalistas. Compre organizarse máis e máis, porque estamos por riba de ter que medir o pulso da nosa relación no exterior só co criterio electoralista.

El Salvador tamén mira a súa diáspora, e cun sistema ainda máis garantista que o noso para o voto exterior, pide atención especial nas vindeiras eleccións do sábado 15 de marzo para evitar a fraude da suplantación de voto: Sóalles? Soalle ao PP e ao PSdG que tanto se aproveitaron disto e que se limitan nas alternancias gobernamentais a non votar un cambio na reforma da vixente lei electoral? Pois ben, o candidato do Frente de Liberación Nacional Farabundo Marti (FMLN), Mauricio Funes, ten serias posibilidades de ser elixido este domigo, o que significaría a primeira vez que a esquerda ten posibilidades de gobernar nun pais empobrecido, dolarizado, que eliminou a moeda nacional, dependente da economia estadounidense e o sistema das fábricas de maquilas implantadas nos anos noventa, cunha renda media de 167 dólares e  unha crecente importación dos produtos básicos agrarios. Pois si, mirando diáspora, presente noutros paises centroamericanos e nos Estados Unidos e que envía remesas que axudaron a manter a economia deste pais, e que hoxe sofren, igual que no resto dos paises latinoamericanos, unha recesión importante pola crise financiera e económico-produtiva. Un laboratorio de realismo para a esquerda, novamente, cuns tratados de Libre Comercio imperativos e discriminatorios, que o Goberno actual lexitimou. Se o domingo a esquerda gaña en El Salvador, xente anónima e pública como Schafik Jorge Handal, que loitaron por ese soño, estarian orgullosos. O que fora candidato do FMLN nas pasadas eleccións morreu hai tres anos inesperadamente despois de voltar da investidura do actual presidente de Bolivia, Evo Morales.  
 
Dende o último escrito cantas cousas pasaron en Galiza, cantos proxectos quedaron no camiño para tanta xente, máis sobre todo para o noso pais. Estes dias moita xente fala dos erros ou do tempo perdido, e o que si é evidente é  que estes catro anos foron importantísimos para a nosa historia por marcar un antes e un despois político iniciando proxectos de profundización da soberania, de autocontrol de recursos e de reforzamento da identidade e do benestar social, proxectos, niso si coincido, ainda non rematados. Mais queixarse e ir na procura do tempo perdido son ganas de perder o tempo, como dicía Marcel Proust. Por iso, con grande optimismo, hai que saír á fronte do país, dende a fronte, con empuxe, entre todos e todas cun xesto unitario. Polos que votaron, dentro e fóra, e polo pais en si mesmo, o de dentro e o de fóra desta Galiza portátil que vai con nós.
 
Estes dias no Parlamento europeo moitos compañeiros deputados-as e asistentes preguntaron e lamentaron noso resultado electoral, dende Gales até Escocia, dende Euskadi a Catalunya, dende o leste ao oeste de Europa. Mentres moitas cousas pasaron en Bruxelas tamén, aprobáronse importantes normas en materia de seguranza marítima, os cataláns manifestáronse con unión polo soberanismo independentista da súa nación o sábado pasado, a secretaria de Estado estadounidense visitounos e escoitou que habia nacións como Escocia ou Gales que no futuro querian ser Estados na UE, publicáronse reportaxes sobre o traballo dos eurodeputados –que curioso, ningún dos mencionados en número de preguntas parlamentares supera as feitas polo daquela deputado do BNG na lexislatura pasada–, o deputado do PNV, ese cabaleiro da política, Josu Ortuondo, anuncia que non repite nas vindeiras eleccións e empeza a conta atrás para uns comicios que tenden ao bipartidismo da Eurocámara cada vez máis evidente. Asi que con tantas cousas que están a pasar aqui, alá e no mundo, hai que seguir traballando e traballando e traballando, e máis e máis e máis, en especial para evitar tempos de volta atrás con indicadores evidentes a nivel mundial, europeo e galego.
 
Boa sorte El Salvador, boa sorte Galiza, e seu patrimonio político nacional, cada quen que entenda como queira.

 
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou