PUBLICIDADE
Sábado, 20 de marzo de 2010
Portada  |  TECNOLOXÍA   RSS  |  BLOG JAVI VAZQUEZ   RSS
BLOG JAVI VAZQUEZ
Javi
Vázquez
Emprendedor en TIC
A alternativa dun modelo baseado na colaboración sobre coñecemento libre
Acábase o petróleo
O modelo económico capitalista de consumo no que vivimos require dun crecemento exponencial e infinito para manterse en pé, pero o seu motor aliméntase dun recurso natural finito: o petróleo. O coñecemento, porén, é infinito.
 29.12.2008 | 12:44

Teclado de emerxencia para operar nos mercados Teclado de emerxencia para operar nos mercados. Woodsy

A enésima crise do modelo económico contemporáneo levou a España e outros tantos países á súa primeira recesión tras 15 anos. O 2009 preséntase como o ano do crecemento negativo e o desemprego –1,5 por cento do PIB e 15,9 por cento de desempregados segundo FUNCAS–, posibelmente suavizado pola acusada baixada do prezo do petróleo e os tipos de interese.

Namentres, os países membros da OPEP, obrigados a recortar os seus orzamentos nacionais tras observar coma o petróleo baixaba 100 dólares por barril nuns poucos meses, acordaron un recorte histórico da produción para intentar incrementar os prezos e, con iso, a saúde das súas economías.

Nós temos a sorte de non ter petróleo. Sorte de non basear o benestar da nosa sociedade nun recurso finito cando existen alternativas viábeis para desenvolver un modelo sostíbel económica, ética e socialmente...

Se o “sangue” do modelo actual é o petróleo, a esencia da sociedade do coñecemento non é outra ca o software. E se queremos poder pertencer á OPEP do coñecemento, xogar un papel relevante no mundo globalizado, ese software non pode ser senón software libre.

Global por definición, sustentando na colaboración sobre coñecemento libre, xestionado por comunidades abertas onde os líderes o son en base aos seus méritos e achegas, accesíbel e sen máis barreiras de entrada ca a propia intelixencia, viábel economicamente...

O software libre, como padrón de referencia, é a resposta á busca dun modelo sostíbel alternativo ao actual. O software libre é o novo petróleo.

 
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou