Redacción . O filme Pradolongo, dirixido por Ignacio Villar, será o primeiro rodado en galego en saír ao mercado en formato Blu-ray. Segundo informou a súa produtora, Vía Láctea Filmes, comezará a venderse o 9 de decembro en toda Galiza. Ademais do soporte de alta definición, tamén se venderá no xa tradicional DVD e en CD para a banda sonora.
Pradolongo nos institutos
O Blu-ray permite incluír servizos adicionais, ademais da propia longametraxe. Así, ademais de incluír imaxe e son de alta definición, inclúe subtítulos en éuscaro, catalán, castelán, francés, inglés e portugués. De extras inclúe o vídeo musical do tema central da banda sonora, interpretado por Luís Emilio Batallán, ademais do spot publicitario, o tráiler comercial, a ficha técnica e artística e unha galería de fotografías. Entre os galardóns acadados, segundo recolle a Conselaría de Industria, está o Premio Cidade de San Sebastían Film Commision, o premio especial do Festival de Cine Internacional de Ourense e o premio Jerry Goldsmith á mellor banda sonora e ao mellor compositor novel.
Pradolongo estreouse nos cinemas o pasado mes de marzo. Rodado na comarca de Valdeorras, está protagonizado por Rubén Ríos, Tamara Canosa, Roberto Porto e Gonzalo Chao.
Descargar Tarifas