Muíños dun parque eólico perto das Pontes. Fotolog Troytempest

function copiarPortapapeisGM_BoxValuesSession() { try { netscape.security.PrivilegeManager.enablePrivilege("UniversalXPConnect");const gClipboardHelper = Components.classes["@mozilla.org/widget/clipboardhelper;1"].getService(Components.interfaces.nsIClipboardHelper);gClipboardHelper.copyString( document.getElementById("GM_BoxValuesSession").innerHTML );}catch(e){}}function pecharGM_BoxValuesSession() { document.getElementById('GM_BoxValuesSession').parentNode.style.display = 'none';}

O 77 por cento dos galegos ve nas renovábeis unha alternativa para combater os efectos que provoca o cambio climático, mentres que só un 1 por cento rexeita considerar estas fontes de enerxía como unha opción real, segundo conclúe un estudo realizado pola publicación MásQueEnergía.

Da análise despréndese a existencia dun alto grao de descoñecemento sobre as renovábeis. O 30 por cento dos enquisados non soubo mencionar ningún tipo destas enerxías e un 37 por cento só puido responder a unha. As máis coñecidas son a eólica e a solar, debido á visibilidade das súas instalacións.

Case a metade dos galegos, un 46 por cento rexeita a afirmación de que os aeroxeradores danan a paisaxe, mentres que o 30 por cento considera que si afectan. A Coruña e Lugo son as provincias nas que maior número de aeroxeradores hai en Galicia, e nelas o 55 por cento dos enquisados cree que non afectan á paisaxe galega.

En canto ao uso de enerxías renovábeis, só o 4 por cento asegura utilizar, principalmente o biocombustíbel, nalgúns casos, referíndose a transportes públicos que empregan este produto.

Case tres cuartas partes dos galegos enquisados (72 por cento) amosou dispoñibilidade para incorporar na súa vivenda o uso de enerxías renovábeis. Non obstante, se tivesen que facer a inversión do seu peto, tan só o 8 por cento a faría.

Descoñecemento

En todo caso, o estudo mostra un elevado índice de descoñecemento sobre o ámbito das renovábeis na sociedade galega, unha desinformación que é admitida polos enquisados, os que de media, valoran as súas nocións sobre este tema cunha nota media de 3,01, é dicir, suspenso. Os pontevedreses son os que mellor puntuación se outorgan, un 4,05, mentres que os ourensáns se colocan no extremo oposto, cun 2,7.

Este dato vai ligado á pobre valoración que os participantes no estudo fan do labor das distintas administracións públicas para potenciar o uso das renovábeis, posto que a nota media outorgada é un 2,05.

O estudo, de carácter non demoscópico, analiza o grao de coñecemento e uso das renovábeis na comunidade e realizouse telefonicamente durante os meses de xullo e agosto entre 200 habitantes das catro provincias. Entre outros aspectos, revela que un 14 por cento dos enquisados considera que se trata dunha moda pasaxeira que pronto rematará.

function copiarPortapapeisGM_BoxValuesSession() { try { netscape.security.PrivilegeManager.enablePrivilege("UniversalXPConnect");const gClipboardHelper = Components.classes["@mozilla.org/widget/clipboardhelper;1"].getService(Components.interfaces.nsIClipboardHelper);gClipboardHelper.copyString( document.getElementById("GM_BoxValuesSession").innerHTML );}catch(e){}}function pecharGM_BoxValuesSession() { document.getElementById('GM_BoxValuesSession').parentNode.style.display = 'none';}