Redacción . As seleccións galegas acadan triunfos en varias disciplinas, como o proba a pasada fin de semana, cando os combinados de Judo e Taekwondo sumaron vitorias nos seus desprazamentos.
O deporte galego segue acadando éxitos a nivel de combinados propios. Este fin de semana, as seleccións de judo e taekwondo lograron sendos triunfos no Torneo Internacional "Ciutat de Barcelona" e no Open Iternacional de Andorra respectivamente. En taekwondo, a selección galega regresou de Andorra con tres medallas, xa que Xosé Antonio Carragal fíxose coa medalla de ouro, Andrea Rica a de prata e Pablo Casares cunha medalla de bronce.
Taekwondo galego
Pola súa parte, a selección galega de judo proclamouse campiona do 36º Torneo Internacional de Barcelona na categoría sénior masculina.
Na liguiña previa venceu por 5-0 a selección de Cataluña, á selección da rexión Francesa do Aix en Provence polo mesmo resultado e por 4-1 á selección de Toulouse; o pase á final supuxo superar brilantemente o obstáculo da selección de Madrid por 4-1 e na final demostrar a súa superioridade fronte á campiona das dúas últimas edicións, a potente selección do ACCB de Paris.
Descargar Tarifas