PUBLICIDADE
Martes, 16 de marzo de 2010
Portada  |  GALIZA   RSS
Boa acollida á proposta do BNG
A tele portuguesa quere chegar até Galiza

Esther Rodríguez .  O que é un hábito entre os arraianos, podería ser unha realidade no conxunto de Galiza. Os Gobernos de España e Portugal aceptan estudar a difusión das televisións lusas en territorio galego.

Reloxo 14.12.2007 | 19:31
TAGS: television , portugal , bng ,

Plataforma en prol das TVs lusas en Galiza A demanda defendida polo Bloque Nacionalista Galego de poder recibir a televisión portuguesa na Galiza está a ter boa acollida entre os veciños lusos,atendendo as peticións (non por todos compartidas) de plataformas específicas.

O presidente da Comisión de Coordinación e Desenvolvemento Rexional do Norte (CCDRN) de Portugal, Carlos Lage, cualificou de "interesante" a idea de que as televisións lusas emitisen tamén para Galiza e indicou que analizará o asunto coa Xunta.

Lage recoñeceu á correspondente de Europa Press que non coñecía a proposta, promovida entre outros pola Fundación Vía Galega, que defende un diálogo máis estreito entre o sistema lingüístico galaico portugués. No entanto, dixo "que é unha idea interesante" e, por iso, na reunión que en breve terá coa Xunta de Galicia terá a posbilidade de falar do asunto.

“Todo o que poida intensificar as relacións culturais e comunicativas entre Portugal e Galicia é benvido", afirmou.

Proposta no Congreso

Na sesión de control ao presidente no Congreso do pasado mércores, e en resposta ao deputado do BNG Francisco Rodríguez, José Luis Rodríguez Zapatero sinalara que “o Goberno está aberto a estudar a posibilidade de planificar un novo multiplex autonómico adicional para poder difundir a televisión portuguesa na Galiza”.

Nas televisións portuguesas, fixéronse eco da demanda. Así, en noticeiros televisivos reflicten que, pese á normativa, a difusión do galego está en clara desvantaxe respecto do castelán.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou