PUBLICIDADE
Venres, 03 de setembro de 2010
Portada  |  OPINIÓN  |  Javi Vázquez
Javi
Vázquez
Emprendedor TIC
Outras noticias
Nativos dixitais no fogar, inmigrantes analóxicos na escola
A expresión “nativos dixitais” (digital natives) foi acuñada polo coñecido Marc Prensky, como oposta a de “inmigrantes dixitais”, aqueles chegados tarde ás TIC, para os cales a tecnoloxía é algo ao que adaptarse. Os nativos dixitais, sen embargo, utilizan a tecnoloxía de forma natural e diferente aos anteriores, como unha ferramenta, e algo máis, de interacción diaria co seu entorno.
 05.12.2007 | 09:13

En Galicia, coma no resto do mundo desenvolvido, a maioría dos nenos e nenas son xa nativos dixitais, utilizando a mensaxería instantánea para comunicarse cos amigos, mentres escoitan música, ven a tele, estudan e navegan pola rede; todo a un tempo grazas o novo “multiprocesador” que levan na cabeza. Así o reflexa a última enquisa do INE sobre o uso das TIC nos fogares, onde o 74,5%, dos nenos galegos declaran ter utilizado internet nos últimos 3 meses (76,8% no conxunto do Estado).

Estamos de noraboa, porque non criaremos máis analfabetos dixitais... pero non pola educación nin ferramentas que lles ofrecemos na escola, xa o que o novo modelo de sociedade da por sabido, por imprescindible -as TIC, a informática-, é desprezado polo sistema educativo galego.

Un ratio de 7 alumnos por ordenador, a consellería de Educación no Global Education Technology Summit en Canadá, invitada pola empresa que nos vendeu máis de 1,000 pizarras dixitais... e a maior parte dos ordenadores e pizarras sen saír das caixas, porque nin hai quen os instale nin que saiba utilizalos para o ensino.

Ante este desatino, sumado a outros moitos menos evidentes, os profesores piden axuda desesperados e os responsables políticos permanecen inmóbiles, reacios a intentar comprender sequera esta nova realidade que lles resulta extrana.

Mentres tanto, os nosos nenos son forzados diariamente a unha nova inmigración, por outra banda ben diferente á dos seus avós, sen saír do País: de nativos dixitais no fogar, a inmigrantes analóxicos na escola.

 
COMPARTIR Compartir Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
Vota
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou