RSS
Redacción . O portavoz de Economía, Industria e Innovación do Grupo Parlamentario dos Socialistas de Galicia, Abel Losada, considera que a nova norma sobre o Canon eólico 'provoca unha inasumíbel inseguranza xurídica' e paraliza 'o desenvolvemento dos proxectos xa en tramitación'.
24.11.2009 | 12:42
No pleno da Cámara, Abel Losada asegurou que este texto normativo non garante a participación pública e acusa o Goberno de Feixóo de “desquite partidista e partidario”. Tras preguntarlle ao conselleiro do ramo sobre os “intereses inconfensábeis” que defende a norma, denunciou que está feita a medida, “como unha auténtica vendeta política”. Na mesma liña, censurou que con este plan “Galiza perdeu o tren do desenvolvemento eólico” e meteuse nun “túnel do tempo que transporta a nosa Comunidade ás peores maneiras do fraguismo”. Losada subliñou que a norma “esquece as Directrices de Ordenación do Territorio, a Lei da Paisaxe, minimiza as medidas de control ambientais, hai unha clara indefinición do proxecto e tamén unha falla de planificación”.
Abel Losada no Parlamento.
Segundo o parlamentario socialista, a Lei relaxa os controis medioambientais e territoriais para as instalacións das explotacións eólicas e permite a construción de parques na Rede Natura, obviando a avaliación de impacto ambiental.
Losada subliña que a norma estabelece unha “perigosa preferencia pola expropiación forzosa” e reclama un “reforzo das garantías dos propietarios na negociación coas empresas” antes de optar pola expropiación.
Por outra banda, pensa que o Fondo de Compensación Ambiental, estabelecido na norma, resulta “excesivamente vago” e anticipa unha “xestión dubidosa”, porque está aberto a todo tipo de manipulación política: “é o máis apropiado para Baltar en Ourense”.
Do mesmo xeito, censura que o proxecto non contemple o desenvolvemento da norma. Dende o seu punto de vista, “adoece de serios problemas técnicos” e “deteriorará a imaxe da Galiza como territorio receptor dos investimentos de todo tipo de axentes económicos”. O deputado acusa a Xunta de acordar a modificación por “un criterio estritamente político” contra unha decisión do anterior goberno.
Ademais, estima que o canon eólico non beneficiará os galegos e pide explicacións sobre a “racionalidade económica” dun PP que rexeita a taxa hidroeléctrica pero aposta por este mecanismo impositivo.
Para o deputado, o discurso do Goberno de Feixóo sobre este tema “é falaz” e o que esconde detrás “é que hai menos Estado, menos control e mais facilidade para decisións discrecionais e arbitrarias”.
Losada considera que o método elixido pola Xunta de promover unha nova Lei e non unha declaración de nulidade do decreto aprobado polo anterior goberno evidencia que “non existían causas xurídicas para deixar sen efecto a norma anterior”, e que esta decisión forma parte da revisión ideolóxica que está a levar Feixóo dende o Goberno Galego.
1/2
Últimas
+ lidas
+ votadas
+ comentadas
1/4
17
Novas relacionadas
- Blanco: 'Coa lei eólica do PP volvemos á espoliación dos nosos recursos'
- O PPdeG rexeita todas as mocións do PSdeG e BNG
- Xavier Guerra: 'O concurso do bipartito tiña sete grandes problemas'
- Xoán Carlos Francisco Rivera xura o seu cargo
- Rueda: 'Dicir non á fusión é dicir non á metade do futuro Estatuto'
- O PSdeG reestrutura o seu grupo parlamentario
En portada...
-
Diminúen os usuarios do transporte públicoO número de viaxeiros que utilizaron en Galiza o... -
Hernández lembra que a competencia para sanear a ría do Burgo 'é do Estado'O conselleiro de Medio Ambiente, Territorio e... -
Francia impulsa medidas para ser 'un bo francés'O Executivo francés anunciou, ao termo dun seminario... -
Galiza encabeza o modelo da reciclaxe de electrodomésticosGaliza recolleu en 2009 74.327 residuos eléctricos e... -
Unha 'gran manifestación' para reclamar un hospital 'público' en VigoA Plataforma en Defensa da Sanidade Pública, sindicatos... -
Política Lingüística abre o prazo de inscrición dos exames para obter o CelgaA Secretaría Xeral de Política Lingüística abriu o... -
Sindicatos e patronal pactan subir os salarios o 1%As patronais CEOE e CEPYME e os sindicatos CC OO e UGT... -
O Estado español tratará de garantir a continuidade da Política Agraria ComúnA ministra de Medio Ambiente e Medio Rural e Mariño,...
Principe 24 - 1º. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Presidente: Miguel Barros Puente
Conselleiro-delegado: Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
